OUTSOURCING EMPLOYEES - REQUEST FOR SEEKING JOB SECURITY, EQUAL WORK EQUAL PAY & REGULARIZATION OF SERVICES

అవుట్ సోర్సింగ్ ఉద్యోగుల న్యాయపరమైన కోరికలను వెంటనే పరిష్కరించాలి

తేదీ: 06.08.2023 రోజున హైదరాబాదులోని Telangana Government All Residencial Institutions Employees Association (TGARIEA- టిగారియా) ప్రధాన కార్యాలయం నాగోల్, హైదరాబాద్ నందు తెలంగాణ సాంఘిక సంక్షేమ గురుకుల సొసైటీ లో పనిచేస్తున్న 3122 ఔట్సోర్సింగ్ ఉద్యోగస్తుల కార్యాచరణలో భాగంగా అవుట్సోర్సింగ్ రాష్ట్ర కమిటీ గౌరవ అధ్యక్షులు రేండ్ల శ్రీనివాస్ గారి అధ్యక్షతన TGARIEA- టిగారియా స్టేట్ ప్రెసిడెంట్ అలగో ని నరసింహులు గౌడ్ గారు మరియు ట్రెజరర్ S. గణేష్ గార్ల ఆధ్వర్యంలో ఔట్సోర్సింగ్ స్టేట్ కమిటీ సభ్యులైన యారా శ్రీనివాస్, జనరల్ సెక్రటరీ పోతుల వీరస్వామి, ఆర్గనైజింగ్ సెక్రటరీ చలిగంటి చంద్రశేఖర్, ట్రెజరర్ ఉమారాణి మరియు వివిధ రీజియన్ అసోసియేట్ ప్రెసిడెంట్ గార్లు మరియు తెలంగాణలోని సాంఘిక సంక్షేమ గురుకులాలలో పనిచేస్తున్నటువంటి పొరుగు సేవల సిబ్బంది అత్యధిక సంఖ్యలో ఈ కార్యక్రమానికి హాజరై ఇట్టి కార్యక్రమాన్ని విజయవంతం చేశారు. ఈ కార్యక్రమానికి మద్దతుగా విచ్చేసిన శ్రీ అలగోని నరసింహులు గౌడ్ టిగారియా రాష్ట్ర అధ్యక్షులు మాట్లాడుతూ సమాన పనికి సమాన వేతనం ఇవ్వాలని, అలాగే ప్రభుత్వ ఉద్యోగులకు ఉన్నటువంటి వసతులను కూడా ఔట్సోర్సింగ్ ఉద్యోగులకు కల్పించాలని, సెలవులు వేతనంలో సమ న్యాయం పాటించాలని, ఉద్యోగ భద్రత కల్పించాలని, వెంటనే రెగ్యులరైజేషన్కు ప్రతిపాదనలు చేయాలని ఈ సందర్భంగా మాట్లాడుతూ ప్రభుత్వాన్ని డిమాండ్ చేశారు. ఈ కార్యక్రమంలో కోశాధికారి S. గణేష్ గారు మాట్లాడుతూ ఔట్సోర్సింగ్ ఉద్యోగుల డిమాండ్స్ న్యాయమైనయని ప్రభుత్వము వాటిని తక్షణమే పరిష్కరించాలని ఈ సందర్భంగా కోరారు. ఔట్సోర్సింగ్ ఉద్యోగస్తుల రాష్ట్ర నాయకుడు రెండ్ల శ్రీనివాస్ మాట్లాడుతూ అందరిని రెగ్యులరైజ్ చేయాలని, రెగ్యులరైజ్ అయ్యేంతవరకు సుప్రీంకోర్టు ఉత్తర్వుల మేరకు సమాన పనికి సమాన వేతనం చెల్లిస్తూ ఉద్యోగ భద్రత కల్పించాలని ప్రభుత్వానికి విన్నవించడం జరిగినది. ఈ కార్యక్రమానికి విచ్చేసిన మహిళా ఉద్యోగులు మాకు న్యాయం జరిగేంత వరకు పోరాటం ఆపమని తక్షణమే గౌరవ ముఖ్యమంత్రి గారు మాకు న్యాయం చేకూర్చాలని ఈ సందర్భంగా డిమాండ్ చేశారు.