Bittergourd Health Benefits |
కాక‌ర‌కాయ అంటేనే చాలా మంది ఛీ.. కాక‌ర‌కాయ అంటూ మొహం ఆముదం తాగిన‌ట్లు పెడ‌తారు. కానీ కాక‌ర‌కాయ తింటే ఎన్ని లాభాలున్నాయో తెలిస్తే దాన్ని వ‌దిలిపెట్టారు. తిన‌డానికి చేదుగా ఉన్న‌ప్ప‌టికీ ఇందులో చాలా ర‌కాల ఔష‌ధ గుణాలున్నాయ‌ని ఆరోగ్య నిపుణులు చెబుతున్నారు. కాక‌ర‌లో ఉండే గుణాలు హానిక‌ర‌మైన వ్యాధుల నుంచి ఉపశమనం క‌లిగిస్తుంద‌ని ఆయుర్వేద నిపుణులు సైతం పేర్కొంటున్నారు.
కాక‌ర కాయ‌ను త‌ర‌చూ ఆహారంలో చేర్చుకోవ‌డం ద్వారా మధుమేహం స‌మ‌స్యను కంట్రోల్‌లో పెట్ట‌వ‌చ్చ‌ని నిపుణులు చెబుతున్నారు. ఇందులో ఉండే గుణాలు మధుమేహంపై ప్రభావవంతంగా పని చేస్తాయ‌ని అంటున్నారు. ర‌క్తంలోని చ‌క్కెర స్థాయిల‌ను నియంత్రించ‌డంతో పాటు.. అన్ని ర‌కాల అనారోగ్య సమస్యలకు చెక్ పెడుతుంద‌ని తెలుపుతున్నారు. కాక‌ర‌ను జ్యూస్‌లాగా చేసి తాగితే శ‌రీరానికి కావాల్సిన అన్ని ర‌కాల ప్ర‌యోజ‌నాల‌ను కలిగిస్తుంది.
కాక‌ర ర‌సం తాగ‌డం వ‌ల్ల క‌లిగే ఆరోగ్య ప్ర‌యోజ‌నాలు:
* ఆస్తమా, జలుబు, దగ్గు మొదలైన శ్వాస సంబంధిత సమస్యలు దూరమవుతాయి.
* నోటి సమస్యలకు చెక్ పెడుతుంది.
* ఈ రసాన్ని తాగితే కాలేయ సంబంధిత సమస్యలు తొలగిపోతాయి.
* గర్భధారణ సమయంలో వచ్చే సమస్యలు దూరమవుతాయి.
* రోగ నిరోధక శక్తిని పెంపొందిస్తాయి.
* అంటు వ్యాధులు దూరమవుతాయి.
* మొటిమల సమస్యల నుంచి ఉపశమనం కలిగిస్తుంది.
* అన్ని చ‌ర్మ సమస్యల నుంచి విముక్తి లభిస్తుంది
* మధుమేహం వంటి తీవ్రమైన సమస్యలను నియంత్రిస్తుంది.
* మలబద్ధకం సమస్యల నుంచి ఉపశమనం కలిగిస్తుంది
* మూత్రాశయాన్ని అరోగ్యంగా ఉంచుతుంది.
* గుండె జబ్బుల నుంచి సంరక్షిస్తుంది.
* కాన్సర్ కణాలను నియంత్రిస్తుంది.
* బరువు తగ్గడానికి బాగా ఉప‌యోగ‌ప‌డుతుంది.
